న్యూసెన్స్‌ చేయొద్దన్నందుకు..చంపేశారు!

Spread the love

న్యూసెన్స్‌ చేయొద్దన్నందుకు..చంపేశారు!

బంజారాహిల్స్ పోలీస్ స్టేషన్ పరిధిలో దారుణం చోటుచేసుకుంది. ఇంద్రనగర్‌లోని రాఘవ గెస్ట్ హౌస్ లాడ్జిలో తీవ్ర విషాదం చోటుచేసుకుంది.

లాడ్జి రూమ్‌లో ఉంటున్న నలుగురు వ్యక్తులు మద్యం మత్తులో వాచ్‌మెన్ యాదగిరిని మూడోవ అంతస్తు నుండి తోసేశారు.
ఈ ఘటనలో తీవ్రంగా గాయపడిన వాచ్‌మెన్‌ను దగ్గరలోని ఆస్పత్రికి హుటాహుటిన హోటల్ సిబ్బంది తరలించారు. ఆస్పత్రిలో చికిత్స పొందుతూ యాదగిరి మృతి చెందాడు.

రాఘవ గెస్ట్‌హౌస్ లాడ్జిలో నలుగురు డ్యాన్సర్లు కొద్దిరోజులుగా ఉంటున్నారు. రోజూ మద్యం సేవిస్తూ న్యూసెన్స్ చేస్తోన్నట్లు హోటల్ సిబ్బంది చెబుతున్నారు.

ఈ క్రమంలో గొడవ చేయవద్దని వాచ్‌మెన్ యాదగిరి వారికి చెబుతూ వస్తున్నాడు. గురువారం రాత్రి కూడా ఆ నలుగురు హోటల్ రూమ్‌లో ఫుల్లుగా తాగేసి గొడవ చేయడం స్టార్ట్ చేశారు.

దీంతో గొడవ చేయవద్దని యాదగిరి వారిని హెచ్చరించాడు. ఈ సమయంలో మద్యం మత్తులో ఉన్న నలుగురు వ్యక్తులు క్షణికావేశంలో లాడ్జి మూడవ అంతస్తు నుండి యాదగిరిని కిందకు తోసేశారు.

ఈ ఘటనలో హాస్పిటల్‌లో చికిత్స పొందుతూ యాదగిరి మృతి చెందాడు.

ఈ ఘటనపై సమాచారం అందుకున్న బంజారాహిల్స్ పోలీసులు ఘటనా స్థలానికి చేరుకున్నారు. హొటల్‌లో ఘటన జరిగిన ప్రాంతాన్ని పరిశీలించారు.

ఈ కేసులో మని, దిన అనే ఇద్దరి నిందుతులను అదుపులోకి తీసుకున్నారు. మరో ఇద్దరు నిందితులు నరేష్, నాగరాజు పరారీలో ఉన్నట్లు తెలుస్తోంది.

వారిద్దరిని కూడా పట్టుకునేందుకు పోలీసులు గాలింపు చర్యలు చేపడుతున్నారు. ప్రస్తుతం అదుపులోకి తీసుకున్న ఇద్దరు నిందితుల ఆధారంగా మిగతా ఇద్దరిని కూడా పోలీసులు త్వరలో అరెస్ట్ చేసే అవకాశముంది.

ఈ ఘటనపై పోలీసులు కేసు నమోదు చేసి దర్యాప్తు చేస్తున్నారు. యాదగిరి మృతదేహానికి పోస్టుమార్టం నిర్వహించనున్నారు.

పోస్టుమార్టం పూర్తయిన తర్వాత కుటుంబసభ్యులకు యాదగిరి మృతదేహాన్ని పోలీసులు అప్పగించనున్నారు. యాదగిరి మృతితో ఆయన కుటుంబంలో విషాదఛాయలు అలుముకున్నాయి.

కుటుంబసభ్యులు, బంధువులు కన్నీరుమున్నీరుగా విలపిస్తున్నారు. నిందితులను అరెస్ట్ చేసి కఠినంగా శిక్షించాలని యాదగిరి కుటుంబసభ్యులు డిమాండ్ చేస్తున్నారు.

ప్రస్తుతం ఇద్దరిని అరెస్ట్ చేశామని, మరో ఇద్దరి నిందితులను కూడా త్వరలోనే అరెస్ట్ చేస్తామని పోలీసులు చెబుతున్నారు.

నిందితులపై చట్టపరంగా చర్యలు తీసుకుంటామని బంజారాహిల్స్ పోలీసులు స్పష్టం చేశారు. నిందితుల వివరాలు సేకరిస్తున్నట్లు చెప్పారు.

2,323 Views

Leave a Reply

Your email address will not be published. Required fields are marked *

error:
FOLLOW OK No thanks
Which Notifications would you like to receive?