విద్యార్థినితో ఆటో డ్రైవర్‌ అసభ్య ప్రవర్తన..

Spread the love

విద్యార్థినితో ఆటో డ్రైవర్‌ అసభ్య ప్రవర్తన.. ఇంటికి తీసుకెళ్లకుండా..

విద్యార్థిని పట్ల ఓ ఆటో డ్రైవర్‌ అసభ్యంగా ప్రవర్తించాడు. విషయం తెలుసుకున్న తల్లిదండ్రులు ఆటో డ్రైవర్‌కు దేహశుద్ధి చేసి పోలీసులకు అప్పగించిన ఘటన మంగళవారం కుషాయిగూడ పోలీస్‌స్టేషన్‌ పరిధిలో చోటు చేసుకుంది.
టీచర్స్‌కాలనీకి చెందిన ఓ విద్యార్థిని స్థానిక ఓ కార్పొరేట్‌ పాఠశాలలో 8వ తరగతి చదువుతోంది.

శివసాయినగర్‌ కాలనీకి చెందిన ఆటో డ్రైవర్‌ యాకయ్య ఆ విద్యార్థినితో పాటు మరో ముగ్గురిని రోజూ ఆటోలో స్కూల్‌కు తీసుకెళ్లి తీసుకువస్తాడు.

ఈ క్రమంలో మంగళవారం మధ్యాహ్నం 1 గంటకు స్కూల్‌ వదిలిన తర్వాత అందరినీ ఆటోలో ఎక్కించుకొని బయలుదేరాడు.

మిగతా ముగ్గురిని వారి వారి ఇళ్ల వద్ద వదిలి ఆ విద్యార్తిని ఇంటికి తీసుకెళ్లకుండా వేరే చోటికి తీసుకెళ్లాడు.

మధ్యాహ్నం 1:20 గంటల వరకు ఇంటికి చేరుకునే కూతురు 1:30 గంటల వరకు రాకపోవడంతో తండ్రి ఆటో డ్రైవర్‌కు ఫోన్‌ చేశాడు.

ఫోన్‌ లిఫ్ట్‌ చేసిన ఆటో డ్రైవర్‌ మిగతా పిల్లలను వదులుతున్నాను సార్‌.. మా ఇంటికి వెళ్లే క్రమంలో మీ పాపను వదిలి వెళ్తానని సమాధానం చెప్పి పది నిమిషాల్లో ఆమెను ఇంటి వద్ద వదిలి వెళ్లాడు.

ఇంట్లోకి వెళ్లిన విద్యార్థిని ఆటో డ్రైవర్‌ తనను ఇంటికి తీసుకురాకుండా మరో చోటికి తీసుకెళ్లి నా పట్ల అసభ్యంగా వ్యవహరించాడని తల్లిదండ్రులకు చెప్పింది.

దీంతో తండ్రి ఆటో డ్రైవర్‌కు ఫోన్‌ చేసి ఇంటికి పిలిచాడు. జరిగిన విషయంపై నిలదీసి దేహశుద్ధి చేసి పోలీసులకు అప్పగించాడు.

4,623 Views

Leave a Reply

Your email address will not be published. Required fields are marked *

error:
FOLLOW OK No thanks
Which Notifications would you like to receive?