రేపే జైలు శిక్షను సవాలు చేస్తు రాహుల్‌ పిటిషన్‌!
పరువు నష్టం కేసులో దోషిగా నిర్ధారిస్తూ గుజరాత్‌లోని సూరత్‌ కోర్టు విధించిన జైలు శిక్షను సవాలు చేసేందుకు కాంగ్రెస్‌ నేత రాహుల్‌ గాంధీ సిద్దమయ్యినట్లు సమాచారం..
ఈ మేరకు ఆయన రేపే(ఏప్రిల్‌ 03, 2023న) సూరత్‌ సెషన్స్‌ కోర్టులో తన శిక్షను సవాలు చేస్తూ పిటిషన్‌ దాఖలు చేయనున్నట్లు వర్గాలు తెలిపాయి.
తన పిటిషన్‌లో మేజిస్ట్రేట్‌ కోర్టు ఇచ్చిన ఉత్తర్వులను పక్కన పెట్టాలని కోరారు. అలాగే దీనిపై తీర్పు వెలువడేంత వరుకు మధ్యంతర స్టే విధించాలని సెషన్స్‌ కోర్టుని అభ్యర్థించారు.
మోదీ ఇంటి పేరు ఉద్దేశించి పరువు నష్టం కేసులో రాహుల్‌గాందీకి జైలు శిక్ష పడిన సంగతి తెలసింది. ఆ తదుపరి వెంటనే ఎంపీగా పార్లమెంట్‌ అనర్హత వేటు పడింది.
ఆ వెను వెంటనే అధికారికి నివాసాన్ని సైతం ఖాళీ చేయాలని ఆదేశించింది. ఈ నేపథ్యంలో రాహుల్‌ అంశంపై న్యాయపరంగా పిటిషన్‌ వేయడానికి కాంగ్రెస్‌ నేతలు సిద్ధమయ్యారు..
